Врз основа на член 30 став 1 алинеја 2, став 3 и став 5 , член 48 и член 49 од Законот за административни службеници ( Службен весник на република Македонија бр.27/2014, 199/2014, 48/2015, 154/2015, 5/2016, 142/2016 и 11/2018 и Службен весник на Република Северна Македонија бр.275/2019, 14/2020, 215/2021, 99/2022 ), Правилникот за формата и содржината на интерниот оглас, начинот на поднесувањето на пријавата за унапредување, начинот на спроведување на административната селекција и интервјуто, како и начинот на нивно бодирање и максималниот број на бодови од постапката на селекција, во зависност од категоријата на работното место за кое е објавен интерниот оглас                 ( Службен весник на република Северна Македонија бр.259/2024 ), Правилникот за систематизација на работните места во ЈП Исар Штип бр.01-1895/2 од 16.11.2016 год., Правилник за изменување и дополнување на Правилникот за систематизација на работните места во ЈП Исар штип заведен под арх.бр.01-840 од 24.06.2025 год. ,  ВД Директорот на ЈП Исар Штип објавува:

ИНТЕРЕН ОГЛАС  број 01/2026

за пополнување на работно место со унапредување на административен службеник

ЈП “Исар” Штип објавува интерен оглас за унапредување на административен службеник за следното  работно место :

1. Реден број, шифра и назив на работното место: Помлад соработник за реализација на набавки 150-а  КДР 01 02 В04 040 во Одделение за јавни набавки,  Сектор за јавни набавки и комерција

– Број на извршители: 1 (еден) извршител;

Општи услови:

• да е државјанин на Република Македонија,
• активно да го користи македонскиот јазик,
• да е полнолетен,
• да има општа здравствена способност за работното место и
• со правосилна судска пресуда да не му е изречена казна забрана на вршење професија, дејност или должност.

Посебни услови:

• Стручни квалификации – ниво на квалификациите VI Б според Македонската рамка на квалификации и стекнати најмалку 180 кредити според ЕКТС или завршен VII/1 степен;
• Работно искуство – со или без работно искуство во струката;

Посебни работни компетенции:

• активно познавање на еден од трите најчесто користени јазици на Европската Унија (англиски, француски, германски)
• активно познавање на компјутерски програми за канцелариско работење

Општи работни компетенции:

• решавање проблеми и одлучување за работи од својот делокруг;
• учење и развој;
• комуникација;
• остварување резултати;
• работење со други/тимска работа;
• стратешка свест;
• ориентираност кон клиенти/засегнати страни; и
• финансиско управување.

Распоред на работно време:

• работни денови : Понеделник до Петок
• работни часови : 40 работни саати неделно
• Работно време од 07:00 до 15:00 часот
• Опис на работното време

Паричен износ на нето плата:

• 36.318.оо денари

На интерниот оглас може да се јави административен јавен службеник вработен во ЈП ИСАР Штип, кој ги исполнува општите и посебните услови за пополнување на работните места пропишани за соодветното ниво со Законот за административни службеници и Правилникот за систематизација на работните места во ЈП Исар Штип, како и:

– да е оценет со оценка “А” или “Б” при последното оценување на кое бил оценуван;

– да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас;

– да поминал  најмалку две години на исто ниво;

– да не му била изречена дисциплинска мерка во последната година пред објавување на интерниот оглас;

 Кон пријавата кандидатите можат да приложат и :

• Потврда за успешно реализирани обуки и / или
• Потврда за успешно реализирано менторство

Кандидатите потребно е да поднесат писмено пополнета пријава заедно со потребните документи преку архивата на ЈП Исар Штип до Одделение за човечки ресурси, како и до службената електронска адреса info@jpisar.com.mk , во рок од 5 ( пет ) дена од денот на објавувањето на интерниот оглас.

Во пријавата кандидатите се должни под материјална и кривична одговорност да потврдат дека податоците во пријавата се точни, а доставените докази верни на оригиналот.

Кандидатот кој внел лажни податоци во пријавата или за кој се утврди дека внел лажни податоци ќе биде дисквалификуван од натаможната постапка по овој оглас.

Ненавремена, нецелосна и неуредно пополнета пријава, нема да биде предмет на разгледување.

ЈП “Исар” Штип
ВД Директор

                                                                                                    Александар Арсовски

———————-

пријава